Mar bhall den Ghréasán:
- Cuirtear deiseanna ar fáil do mhúinteoirí Gaeilge foghlaim óna chéile agus dea-chleachtas a chomhroinnt trí cheardlanna, seimineáir, comhdhálacha agus imeachtaí ar líne
- Coinnítear baill ar an eolas maidir le forbairtí siollabais, measúnú agus topaicí ábhartha eile
- Déantar eolas a chomhroinnt faoi na forbairtí is déanaí agus is fearr sa teagasc agus san fhoghlaim teanga.
- Tugann an Gréasán guth do mhúinteoirí Gaeilge ar bhonn áitiúla agus náisiúnta. Is gréasán aitheanta oifigiúil muid.
- Feidhmíonn sé mar ghlór neamhspleách ar son múinteoirí iar-bhunscoile na Gaeilge agus mar ghrúpa ionadaíoch atá aitheanta ag an Roinn Oideachais, CCEA
- Déanann An Gréasán ionadaíocht ar son múinteoirí Gaeilge nuair a dhéantar forbairt ar shonraíochtaí agus nuair a dhéantar athbhreithnithe. Téimid i gcomhairle le heagraíochtaí leasmhara faoi chomhairliúcháin agus faoi aighneachtaí.
- Oibríonn An Gréasán le páirtithe leasmhara eile le breis daltaí a mhealladh leis an Ghaeilge a roghnú mar ábhar GCSE agus A-leibhéal.
- Déantar taighde ar thuairimí mhúinteoirí Gaeilge ar ábhair éagsúla. Tugann sé deis do mhúinteoirí Gaeilge a dtuairimí a thabhairt.
- Cuirtear deiseanna ar fáil do mhúinteoirí nascanna a dhéanamh le múinteoirí eile na tíre agus comhoibriú le chéile
- Feidhmíonn sé mar lárphointe eolais do mhúinteoirí maidir le foilseacháin, áiseanna agus imeachtaí a bheadh cabhrach dóibh féin agus dá gcuid ranganna.
- Ag cur chun cinn cúrsaí múinteoireachta sa Ghaeilge
- An Ghaeilge mar theanga agus mar ábhar a chosaint agus a fhorbairt sa chóras oideachais
Táimid ag brath ar do thacaíocht le bheith ábalta feidhmiú ar do shon – cláraigh linn inniu.
*Ní mór duit clárú leis an Ghréasán ar líne agus síntiús ‘Poblacht na hÉireann 2021/22’ nó síntiús ‘Tuaisceart na hÉireann 2021/22’ a íoc roimh 31ú Deireadh Fómhair 2021 le bheith san áireamh don tarraingt speisialta seo do bhaill íoctha an Ghréasáin amháin. Ní bheidh daoine a chláraíonn le síntiús d’ábhair oidí mar chuid den tarraingt seo. Fógrófar na buaiteoirí i mí na Samhna.