Plécháipéis ar dhréachtsonraíochtaí na hArdteiste – scríobh d’aighneacht féin anois 

Last Updated on 27/10/2021 by Riarthóir

A chara, 

Tá plécháipéis thábhachtach ar dhréachtsonraíochtaí na hArdteistiméireachta foilsithe ag Áine Hyland agus Fíona Uí Uiginn do choiste oideachais atá á chomhordú ag Conradh na Gaeilge. Tá An Gréasán mar chuid den choiste oideachais seo. 

Tá fáil ar an gcáipéis ag an nasc seo: Plécháipéis CNCM Sonraíochtaí

Tá cur síos an-chuimsitheach déanta sa phlécháipéis seo ar na mórcheisteanna a bhaineann leis na dréachtsonraíochtaí, agus tá moltaí fiúntacha luaite ann. Is fiú í a léamh.

Scríobh d’aighneacht féin anois 

Tá An Gréasán ag moladh do gach múinteoir Gaeilge a n-aighneacht féin a scríobh anois chuig comhairliuchanT1@ncca.ie  nó  comhairliuchanT2@ncca.ie

Ní gá go mbeadh d’aighneacht féin rófhada.  

Mar eolas, dúnann an comhairliúchán ar an 30ú Samhain 2021. Tuilleadh eolais anseo: https://ncca.ie/ga/an-tsraith-shinsearach/%C3%A1bhair-agus-creata-faoi-fhorbairt/gaeilge/